Views:
ഷാമില ഷൂജ
ഇവൻ ചിലന്തി !
ദേവശില്പിയെക്കാൾ ചാരുതയോടെ വല നെയ്യുന്നവൻ!
കൊടും ചതിയുടെ സന്കേതമോരുക്കി തപസ്സിരിക്കുന്ന പൂച്ചസന്യാസി !
വിഷക്കുടമൊളിപ്പിച്ചു തന്ത്രം മെനയുന്ന നൈപുണ്യം !
ഇവൻ ചിലന്തി !
വഞ്ചനാസൌധത്തെ ആകർഷണ വലയമാക്കുന്ന കുടിലത !
വലക്കണ്ണികൾക്ക് കെണിക്കണ്ണുകളുടെ നിഗൂഡത!
ഓരോ നൂലിഴകളിലും സങ്കീർണ്ണമായ ചതിച്ചുഴികൾ !
ഇവൻ ചിലന്തി !
പ്രതിഷേധങ്ങളെ വകവക്കാത്ത സ്വാർത്ഥമോഹി !
പ്രഹരമേറ്റാലും വക്രതയുടെ മാറാല തീർക്കുന്ന മ്ളേച്ഛ ജന്മം !
മോഹങ്ങൾക്ക് മീതെ കുരുക്കു വീണ ഇരയുടെ പിടച്ചിലിൽ ഉന്മാദിക്കുന്നവൻ!
ഇവർ ചിലന്തികൾ !
സർവ്വനാശത്തിൻറെ വാഴ്ച വിതക്കുന്ന സ്വേച്ഛാധിപതികൾ!
ഒരു നിയമത്തിനും തളയ്ക്കാനാവാത്ത ഒറ്റയാന്മാർ !
No comments:
Post a Comment