ഇവിടെയാണവസാനമഭയം
ആറ്റുകാലമ്മേ
ഇനിയുമിത്തിരുനടയിലെത്തണ-
മാറ്റുകാലമ്മേ
നിന്റെ മുന്നില് മനസ്സിനുള്ളിലെ
ദുഃഖമുരുകുന്നൂ
എന്റെ ജന്മം മണ്കലത്തില്
നേദ്യമാകുന്നൂ
എരിയുമൊരുതിരിനാളമാശാ-
കിരണമേകുന്നൂ
വിരിയുമൊരുചിരിയാഭയുള്ളില്
കരുണ ചൊരിയുന്നൂ.
ഇവിടെയാണവസാനമഭയം
ആറ്റുകാലമ്മേ
ഇനിയുമിത്തിരുനടയിലെത്തണ-
മാറ്റുകാലമ്മേ.
മണ്ചെരാതാമെന്നിലമല-
സ്നേഹമൊഴുകുന്നു
നെഞ്ചിലേറും ശാന്തിയരുണ-
പ്രഭകള് പകരുന്നു.
മിഴിനിലാവായുള്ളില് നിന് തിരു
ഗീതമുണരുന്നൂ
അഴകു,തിരളുമൊരീണമധു, മന-
മുണ്ടുപാടുന്നൂ.
ഇവിടെയാണവസാനമഭയം
ആറ്റുകാലമ്മേ
ഇനിയുമിത്തിരുനടയിലെത്തണ-
മാറ്റുകാലമ്മേ.
Comments
Post a Comment