ഇതു നമ്മുടെ നാടാണാര്‍ഷ പരമ്പര-
പുലരും പുണ്യതപസ്ഥാനം
ഇവിടം പാവനമമരം കാക്കുക
നമ്മുടെ ധര്‍മ്മം, കര്‍ത്തവ്യം.
ഹരനുടെ ഹിമവല്‍ഗിരിനിര മുതലി-
ക്കന്യാദേവിക്കടലോളം
ഹരിതം വനവും വയലും പുഴയും
തുയിലുണരുന്നൊരു സുരനാട്.
ശരണം തേടിയലഞ്ഞുവലഞ്ഞവ-
രഭയം നേടിയതീ നാട്ടില്‍.
അവരേയൂട്ടി വളര്‍ത്തുവതിന്നും
സ്‌നേഹനിലാവാം നിന്മക്കള്‍.
കപടം ചതിയുമണിഞ്ഞെത്തീ ചില
ശത്രുമനസ്സുകളീ നാട്ടില്‍
അവരെയനശ്വര മന്ത്രജപത്താ-
ലാദരവോടെതിരേറ്റെന്നാല്‍
ഉള്‍വളവേറും കുതികാല്‍ വെട്ടുക-
ളേറെ സഹിച്ചു മടുത്തൂ നാം,
മുള്‍മുനദുര്‍മ്മദമേറുന്നേര-
ത്തവതാരങ്ങള്‍ പിറന്നീടും.
കേശവശംഖൊലി കര്‍മ്മോന്മുഖനവ-
യുഗചൈതന്യമുണര്‍ത്തുന്നൂ
മാധവനരുളും ഗീതയിലര്‍ജ്ജുന-
ശങ്കകളഖിലം തീരുന്നൂ.
വീണ്ടും ഭാരതമാതാവിന്‍ തിരു-
നടയില്‍ പ്രാണനുമേകീടാന്‍
തരുണമനസ്സുകളനവധി വിരിയു-
ന്നമ്മേ നിന്നുടെ നാമത്തില്‍.
ഭാരതഹൃദയമാണീ കവിത.
ReplyDeleteകെ വി രാജശേഖരൻ
മനോഹരം വരികൾ
ReplyDelete