Beena Nair :: വീറുള്ള നാരീഭാവമാം ദുർഗ്ഗേ ..

 

 വീറുള്ള നാരീഭാവമാം ദുർഗ്ഗേ .. 

Beena Nair 

 

ഹൃദയത്തിൽ ഓർമപ്പൂക്കൾ നിറയ്ക്കാൻ
ത്രിഗുണസമ്പന്നയാം അന്നപൂർണേ അമ്മേ
കുറവുകളേ നിറവുകളാക്കി മാറ്റിയ
ആത്മീയതയുടെ സുന്ദരഭാവമേ
വീറുള്ള നാരീ ഭാവമാം ദുർഗ്ഗേ

പ്രകൃതിയാം വരദാനമാണീ ഗുരുനാഥ
പ്രതിഭ കൊണ്ടറിവും പകർന്നൊരു ഗുരുനാഥ
സൂര്യനുദിക്കും മുൻപേ വ്യാപൃതയായവൾ
വീറുള്ള നാരീ ഭാവമാം ദുർഗ്ഗേ
കൈരളിക്കവൾ കണ്ണകി

ഈ ജൈത്രയാത്രയിൽ നാരിയാം മാറ്റങ്ങൾ
കർമ്മത്തിൽ നിന്നും ഒഴിഞ്ഞു മാറാത്തവൾ
ആദ്ധ്യാത്മിക ദുഃഖനാശം സിദ്ധിയാക്കിയ
സുഖദു:ഖമോഹ സ്വരൂപമായ് മാറിയവൾ
അന്നപൂർന്നേശ്വരി

ആയിരം കടാക്ഷങ്ങൾ തന്റെ മേൽ ചൊരിയുമ്പോൾ
തീയിൽ കുരുത്ത പെൺ ഭാവമാം നാരി
അറിവിന്റെ അവസാന വാക്കാം വേദങ്ങളിൽ
പെൺകരുത്തായവൾ നീ
വീറുള്ള നാരീഭാവമാം ദുർഗ്ഗേ .. 

--- Beena Nair