Skip to main content

Unnikrishnan T :: സൗഹൃദങ്ങളിലെ പ്രതിഭകൾ

സൗഹൃദങ്ങളിലെ പ്രതിഭകൾ
ടി.ഉണ്ണികൃഷ്ണൻ


അയ്യപ്പൻ ആറ്റിങ്ങൽ....

ബോയ്സ് സ്കൂളിലെ പഠനകാലത്താണ് അയ്യപ്പനെ പരിചയപ്പെടുന്നത്. ഞങ്ങൾ ഒരേ ക്ലാസുകാരെങ്കിലും ഡിവിഷൻ വേറെയാണ്. ക്ലാസ് ഒഴിവ് സമയങ്ങളിൽ വിശാലമായ ഗ്രൗണ്ടിലേക്കുള്ള പോക്കാണ്. അന്നേരം കോളേജ് ചേട്ടന്മാരോ സ്കൂളിലെ സ്വന്തക്കാരോ ഒക്കെ അവിടെയുണ്ടാവും.

ക്രിക്കറ്റാണ് പ്രധാന കളിയിനം. കളിക്കളത്തിലല്ല കാഴ്ചക്കാരനായി ഇരിക്കുന്നവരുടെ കൂട്ടത്തിലാണ് ഈയുള്ളവൻ. അങ്ങനെയുള്ള ഗ്രൗണ്ട് സന്ദർശനങ്ങളിലൊരിക്കൽ ഒരാൾ ക്രിക്കറ്റ് കളിക്കുന്നോ എന്ന ചോദ്യവുമായെത്തുന്നു. ടീം തട്ടിക്കൂട്ടാൻ ഒരാളുടെ കുറവ് പരിഹരിക്കാനുള്ള ശ്രമമാണ്. 

ഇല്ല. എന്നു പറഞ്ഞൊഴിഞ്ഞു.

പിന്നെ മറ്റാരെയോ സമീപിച്ച് ഒപ്പം ചേർത്ത് അവർ കളിക്കുള്ള ശ്രമം.
ടോസിടുന്നു. 

എന്നെ സമീപിച്ചവന്റെ ടീമിന് ബൗളിംഗ്.
ഫീൽഡർമാരെ ടീം ക്യാപ്റ്റൻ സെറ്റ് ചെയ്ത് നിർത്തുന്നു .ആദ്യ ബൗളിംഗിനായി ക്യാപ്റ്റൻ പന്തേല്പിക്കുന്നത് എന്റെ അടുത്തേക്ക് വന്നവനേയും..
ദൂരെ നിന്ന് ഓടിവന്നുള്ള വേഗതയാർന്ന ബൗളിംഗ്... ബാറ്റ്സ്മാൻ കുഴങ്ങുന്നു. ആംബ്രോസ്.... കൊള്ളാം
ക്യാപ്റ്റൻ ഉൾപ്പെടെയുള്ളവരുടെ കൈയ്യടി പ്രോത്സാഹനം.

അന്നത്തെ വെസ്റ്റ്ഇൻഡീസ് ടീമിലെ പേരുകേട്ട ഫാസ്റ്റ് ബൗളർ ആംബ്രോസിനെ ഓർമിപ്പിക്കുന്ന ചലനങ്ങളാകയാലാണോ ആ പേര്.. അതോ ഒറിജിനൽ പേര് അങ്ങനെയാണോ എന്ന് ഞാൻ സംശയിച്ചിരിക്കേ... 

തൊട്ടടുത്ത ബോളിനെ ബാറ്റ്സ്മാൻ ഫോറടിച്ചു. ഡേയ്.. അയ്യപ്പാ നോക്കി എറിയടേ എന്നായി ക്യാപ്റ്റൻ.. . 

അപ്പോൾ ആംബ്രോസ് വിളിപ്പേരുതന്നെ.. ഒറിജിനൽ നാമം അയ്യപ്പൻ.

 (തുടരും)
Labels:

Comments

Post a Comment

Popular posts from this blog

Sidheek Subair :: പൂട്ടിരിപ്പിൽ

പൂട്ടിരിപ്പിൽ   സിദ്ദീഖ് സുബൈർ തേങ്ങൽപ്പുതപ്പിന്നകത്തളത്തിൽ താങ്ങും നരകക്കുട്ടിലാണുകാലം നാട്ടിനെ വീട്ടിനകത്തുകെട്ടി- പൂട്ടിട്ട രോഗം തളച്ചതല്ല... ശബ്ദമായി മകളുടെ നോട്ടമെത്തി, അബ്‌ദങ്ങൾ ഓർമയിൽ തൊട്ടുണർത്തി, ജീവിത വേഗത്തിരക്കൊഴുപ്പിൽ താണുമുലഞ്ഞും വലഞ്ഞു ബന്ധം... സങ്കടം തിങ്ങിക്കുമിഞ്ഞ കണ്ണിൽ, പങ്കിടാനാവാതെ ചോർന്നു വിണ്ണും, അഹസ്സന്തിരാവുകൾ വീർപ്പുമുട്ടി, അഹംവെന്ത നോവിന്‍റെ വീണമീട്ടി... ചോന്ന തുടിപ്പും കവർന്നെടുത്തെൻ, സൂര്യൻ ഇരുണ്ടു വരണ്ടു പോകെ, ആണ്ടുകൾ എത്രയോ മുന്നേ ഞങ്ങൾ, ആണ്ടുപോയേകാന്ത പൂട്ടിരിപ്പിൽ... (പൂട്ടിരിപ്പ്_ലോക്ഡൗൺ) --- Sidheekh Subair
5 comments
Read more

Aiswarya S Dev :: ഞെട്ടലകലാതെ

മർത്യജന്മമൊന്ന് വീക്ഷിച്ചറിയണ- മെന്നാശിച്ചീശൻ ഭൂവിലെത്തി.! കോവിലിൽ ആയിരങ്ങൾ തൻ അനുഗ്രഹത്തിനായി കാത്തിരിപ്പു- ണ്ടെന്നറിഞ്ഞാനന്ദിച്ചു.. തിരിഞ്ഞു നോക്കവേ.. കോവിലിനങ്കണത്തിലിന്നൊന്നു- മറിയാതൊരു പിഞ്ചുബാല്യം കൈകൾ നീട്ടിടുന്നു.. യാചിച്ചുകൊണ്ട്.. നിലത്തുവീഴുന്ന ചില്ലറത്തുട്ടുകളിലൊക്കെയും രണ്ടും, മൂന്നും..! പടികയറിയകത്തുകയറുന്നവ- രൊക്കെയും ശിലയാൽ തീർത്ത- യെൻ മുന്‍പിലർപ്പിക്കുന്നു ആയിരങ്ങൾ..!! ഞെട്ടിത്തിരിഞ്ഞീശൻ നടന്നകലവേ കണ്ടു, പിന്നെയും പിന്നെയും  ഞെട്ടിക്കുന്ന നോവുകൾ..! പെണ്‍കിടാങ്ങള്‍ തൻ കൂരയ്ക്ക- കത്തു നിന്ന്‌ കേൾക്കുന്നു  നിശബ്ദ തേങ്ങലുകൾ.. വാതിലില്ലാതെ ചുമരില്ലാതെ തുണികളാൽ മറയ്ക്കപ്പെട്ട കൂരയ്ക്കുള്ളിൽ നാഴികകൾ ഭയത്തോടെണ്ണുന്ന  അനവധിപേരെ കണ്ടീശൻ കണ്ണടച്ചു... അകലെയുള്ള കോവിലിൽ  നാഴികക്ക് നാൽപ്പതുവട്ടമവർ ഉറപ്പു വരുത്തുന്നു..  'സുരക്ഷിതമല്ലയോന്ന്' ഒരമ്മതൻ പേറ്റുനോവ്  കേട്ടീശൻ അവൾക്കരികിലെത്തി.. ഒരു കുഞ്ഞു പെണ്കിടാവ്  അവൾക്കരികിൽ  മിഴി തുറന്ന് കിടപ്പതുണ്ട്... പുറത്തേക്കെത്തി നോക്കിയപ്പോ- ളതാ പെണ്‍കുഞ്ഞെന്നറിഞ്ഞച്ഛൻ വിലപിച്ചു മൊഴിയുന്നു.. "ഈ സ്വത്തെല്ലാം ...
18 comments
Read more

നെടുവിളിയൻപക്ഷി :: വിനയൻ

അഗസ്ത്യന്റെ മടിത്തട്ടിൽ പകൽപ്പൂരക്കണിപ്പന്തൽ. അലങ്കാരച്ചെരുവിൽ ചെ- മ്പനീർപ്പൂവിൻ ചമത്കാരം. "പുലർകാലേ പുറപ്പെട്ടാൽ മലതാണ്ടിത്തിരിച്ചെത്താം. വരികെന്റെയനുജാ,യീ മലങ്കാടിന്നകം പുക്കാം." മലന്തേനും പനന്നൊങ്കും കഴിയ്ക്കാനാ മലമേട്ടിൽ ഇരുവരും കരംകോർത്തു ചുണയോടെ പുറപ്പെട്ടു. മുളമുള്ളുമെരികല്ലും ചവിട്ടൊപ്പം നടക്കുന്നു. കനൽ കോരിക്കുടിച്ചഗ്നി- പ്പദം ചന്തംവിതയ്ക്കുന്നു. മുകിൽതാഴെ,ക്കുളിർ വാനം മിഴിക്കോണിൽ തുടിക്കുന്നു. ചരൽപ്പൂക്കൾ കടുംവർണ്ണം വിരിച്ചെങ്ങും ചിരിക്കുന്നു. ചിതൽപ്പറ്റം ദ്രുതംകാട്ടി ശവക്കോലം തുരക്കുന്നു. മുടിക്കെട്ടിൽ ജഡച്ചുറ്റിൽ ശിവശൈലം കനക്കുന്നു. ഇരുത്തംവന്നലയ്ക്കുന്ന കൊലച്ചീവീടൊളിക്കുന്നു. കരിക്കാലൻ കൊലകൊമ്പൻ കരിച്ചൂരു ചുരത്തുന്നു. കുളയട്ടനിലം പറ്റി രുചികൊണ്ടു പുളയ്ക്കുന്നു. കൊതിനാവായ് നനവാർന്നു ചുടുചോര കുടിക്കുന്നു. 'ആദിച്ചൻ' മലദൈവം ചോക്കുന്നു, തുടുക്കുന്നു. കാട്ടാറിൻ ചിലമ്പൊച്ച മദം പൊട്ടിപ്പരക്കുന്നു. മലങ്കോഴിപ്പറ്റമെന്തോ തിരക്കിട്ടു തെരയുന്നു. മലയണ്ണാർക്കണ്ണനംബര കനിയായിക്കുലയ്ക്കുന്നു. ചൊക്കനർക്കപ്പഴം തിന്നാൻ മരംച...
Read more