പൂട്ടിരിപ്പിൽ
സിദ്ദീഖ് സുബൈർ
തേങ്ങൽപ്പുതപ്പിന്നകത്തളത്തിൽ
താങ്ങും നരകക്കുട്ടിലാണുകാലം
നാട്ടിനെ വീട്ടിനകത്തുകെട്ടി-
പൂട്ടിട്ട രോഗം തളച്ചതല്ല...
ശബ്ദമായി മകളുടെ നോട്ടമെത്തി,
അബ്ദങ്ങൾ ഓർമയിൽ തൊട്ടുണർത്തി,
ജീവിത വേഗത്തിരക്കൊഴുപ്പിൽ
താണുമുലഞ്ഞും വലഞ്ഞു ബന്ധം...
സങ്കടം തിങ്ങിക്കുമിഞ്ഞ കണ്ണിൽ,
പങ്കിടാനാവാതെ ചോർന്നു വിണ്ണും,
അഹസ്സന്തിരാവുകൾ വീർപ്പുമുട്ടി,
അഹംവെന്ത നോവിന്റെ വീണമീട്ടി...
ചോന്ന തുടിപ്പും കവർന്നെടുത്തെൻ,
സൂര്യൻ ഇരുണ്ടു വരണ്ടു പോകെ,
ആണ്ടുകൾ എത്രയോ മുന്നേ ഞങ്ങൾ,
ആണ്ടുപോയേകാന്ത പൂട്ടിരിപ്പിൽ...
(പൂട്ടിരിപ്പ്_ലോക്ഡൗൺ)
--- Sidheekh Subair
👏👏👏👏👏
ReplyDeleteസന്തോഷം
ReplyDeleteസിദ്ദീഖ് സുബൈർ എഴുതിയ പൂട്ടിയിരിപ്പ് എന്ന ഈ കവിത വളരെ ശ്രദ്ധേയമാണ് പ്രത്യേകിച്ചും പൂട്ടിയിരിപ്പ് കാലത്തു. ആശംസകൾ
ReplyDeleteസന്തോഷം മാഷേ
Deleteനല്ല കവിത. പ്രത്യേകിച്ച് ഈ സമയത്തു ഈ കവിത വളരെ ശ്രദ്ധേയമാണ്. ആശംസകൾ
ReplyDelete