Views:
മുളയാണ്, വെറും കാട്ടു-
മുളതന്‍ മുറിവാണ് ഞാന്‍
ഒഴുകും ചോര കാണാനീ -
ല്ലൊഴുക്കില്‍ ശ്രുതി കേട്ടുവോ ?
കരിവണ്ടുതുളയ്ക്കുമ്പോള്‍
നിസ്സഹായം സഹിച്ചിടും
കടുത്തനൊമ്പരം പിന്നെ
കാറ്റിനോടു പറഞ്ഞു ഞാന്‍ !
ഈ മുറിപ്പാടില്‍ മുത്തുന്നൊ-
രീറന്‍ കാറ്റിനു നല്‍കുവാന്‍
ഈണമായൊഴുകാം മറ്റെ-
ന്തീ ജന്മം സാദ്ധൃമായിടൂം ?
കാടില്‍ നീലമുടിച്ചാര്‍ത്ത്
ചൂടും പൂപ്പീലിയല്ലഞാന്‍ !
കാറ്റിനാലോലമാടാനായ്
തീര്‍ത്തൊരൂഞ്ഞാലുമല്ല ഞാന്‍ !
കലപ്പ മുറിവേല്പിച്ച
കന്നിമണ്ണിന്‍റെ നെഞ്ചിലെ
കടുംനോവാണതില്‍ പൊട്ടും
കതിര്‍ച്ചിരിയുമാണ് ഞാന്‍ !
--- Delishya Murali
2 comments:
നല്ല കവിത
നല്ല വരികൾ
ഡെലീഷ്യാ
അഭിനന്ദനങ്ങൾ
Post a Comment