Ruksana Kakkodi :: നീതി

Views:

ഞങ്ങൾക്കു നീതി ലഭിച്ചുവോ?
ഇല്ല ഈ ഭൂമിയിൽ
പെൺവർഗ്ഗമിനിയും പിറക്കും.
കാമാർത്തി കണ്ണാൽ
കഴുകൻ വട്ടമിട്ട് പറക്കും.

സാക്ഷരരായാലും കാമം -
മൂത്താൽ നിരക്ഷർ തന്നെ.
അവിടെ പൈതലില്ല, ഇളം മേനിയില്ല,
തുടിക്കും ആർത്തി മാത്രം.
ചോര കുടിയ്ക്കാനുള്ള
തീക്ഷ്ണമാം ഭാവം മാത്രം.

എത്രയെത്ര പേർ പ്രതികരിച്ചു
എഴുതിയെഴുതി കവികളുടെ കൈ തളർന്നു പോയ്,
എത്ര പ്രതിഷേധ ജാഥകൾ
നടന്നു....!!
എവിടെ, ഫലം കൂടുതൽ
രൂക്ഷം.

ആസിഫ, അക്സ, ശ്രീലക്ഷ്മി, ജിഷ, സൗമ്യ
പേരിട്ടു വിളിച്ച മരണങ്ങൾ
പേരിടാത്ത ഡൽഹി പെണ്ണ് പിന്നെ പേരിട്ടു നിർഭയയായ്
എന്നാലും സമൂഹം മൊത്തം ഒരു നാമം
ഞങ്ങൾക്കേകി "ഇര" .
സുന്ദരമായ പദം.

ഇന്നാർക്കും കടിച്ചുകീറാവുന്ന ഇര .
അതേ ഞങ്ങളിന്ന് വെറും ഇരകളാണ്.
കാറ്റിൽ പറക്കുന്ന തുക്കിയിട്ട വസ്ത്രങ്ങളാണ്.
സത്യം തെളിഞ്ഞാൽ ഇരകൾ വെറും വിരകൾ.

--- Ruksana Kakkodi

കാമക്കൊടുങ്കാറ്റുകള്‍ പിച്ചിച്ചീന്തുന്ന കുഞ്ഞുമേഘങ്ങള്‍ക്ക്...