Skip to main content

Sidheek Subair :: എതിര്


Image Credit :: Photo by Matthew T Rader on Unsplash

എതിര്

നേരിതാണ്, നീറും
            നെരിപ്പോടെരിയുന്ന
വേരെല്ലുപൊടിയു -
            ന്നൊരോർമ്മയാണ്...

ഒരുതുടം ശാന്തിനുകർ-
            ന്നുന്മത്തരാകുവാൻ
മരുപച്ചതേടുവോർ,
            കാണുന്നതോ കാനൽ-
            ജലക്കാഴ്ച മാത്രം...
വെറുപ്പും പിണക്കവും
            ഭ്രാന്തും നുരഞ്ഞേറി
പിറവിയും ബന്ധവും
            വെറുതെ, എൻ മോദമേ-
സത്യ,മെന്നുഴറി-
            പ്പതയുന്ന ജൻമങ്ങൾ...
കൃത്യമായെ,ന്നെത്തുമെ-
            ന്നറിയാത്ത പുലരികൾ,
സന്ധ്യകൾ ഇരുണ്ടു
            കൊഴിയുന്നു, സ്വപ്നങ്ങൾ
വന്ധ്യത പുൽകി, മൂക
            ഭീതിയായ് പടരുന്നു...

ഒഴിയാത്ത ചഷകങ്ങൾ,
            ദാരിദ്ര്യക്കുണ്ടുകൾ
വഴികളിൽ പേത്തെറിവാളുകൾ,
            ഞെട്ടുന്ന നിദ്രകൾ
പൊട്ടിത്തെറിക്കും കരളടുപ്പും
            രുചികളും
ഞെട്ടറ്റു മൊട്ടുകൾ
            വിതുമ്പും മിഴികളും...
മേയാത്ത മേടുകൾ,
            ചോരുന്നൊരേടുകൾ
കായുന്നകത്തളം
            നൊമ്പരത്തിണ്ണയും...
ചിറകിനായ് കേഴും, കുഞ്ഞു-
            കിനാവുകൾ താലിയും
പിൻവിളി,യമ്മയു-
            ണർത്തുന്നുവെന്നെയും...

താരാട്ടു തൊട്ടിലി-
            ന്നീണങ്ങളോർത്തു ഞാൻ,
പാരാകെ പുതുപ്പാട്ടു
            വെട്ടമായ് തീർത്തു ഞാൻ,
കുഴഞ്ഞാടിയാടും വരികൾ,
            തിരുത്തി ഞാൻ,
അഴകാളുമിളംചിരി-
            ക്കൂട്ടായ് കുരുത്തു ഞാൻ
അരുതാത്തതൊക്കെയും
            കാറ്റിൽ പറത്തി ഞാൻ
കരുതലിൻ കവിതകൾ
            വീണ്ടും ചുരത്തി ഞാൻ
അരുമകൾക്കൊരുമയാം
            തായ് മൊഴിചേർത്തുഞാൻ
ഒരു നവവാഴ് വിന്‍റെ
            അർഥവും കോർത്തു ഞാൻ...

അതിർവരമ്പിട്ടു നാം,
            ലഹരി പ്രവാഹത്തിൻ
എതിർ ദിശയാക്കണം
            നിത്യമീ ജീവിതം...


Labels:

Comments

Post a Comment

Popular posts from this blog

Sidheek Subair :: പൂട്ടിരിപ്പിൽ

പൂട്ടിരിപ്പിൽ   സിദ്ദീഖ് സുബൈർ തേങ്ങൽപ്പുതപ്പിന്നകത്തളത്തിൽ താങ്ങും നരകക്കുട്ടിലാണുകാലം നാട്ടിനെ വീട്ടിനകത്തുകെട്ടി- പൂട്ടിട്ട രോഗം തളച്ചതല്ല... ശബ്ദമായി മകളുടെ നോട്ടമെത്തി, അബ്‌ദങ്ങൾ ഓർമയിൽ തൊട്ടുണർത്തി, ജീവിത വേഗത്തിരക്കൊഴുപ്പിൽ താണുമുലഞ്ഞും വലഞ്ഞു ബന്ധം... സങ്കടം തിങ്ങിക്കുമിഞ്ഞ കണ്ണിൽ, പങ്കിടാനാവാതെ ചോർന്നു വിണ്ണും, അഹസ്സന്തിരാവുകൾ വീർപ്പുമുട്ടി, അഹംവെന്ത നോവിന്‍റെ വീണമീട്ടി... ചോന്ന തുടിപ്പും കവർന്നെടുത്തെൻ, സൂര്യൻ ഇരുണ്ടു വരണ്ടു പോകെ, ആണ്ടുകൾ എത്രയോ മുന്നേ ഞങ്ങൾ, ആണ്ടുപോയേകാന്ത പൂട്ടിരിപ്പിൽ... (പൂട്ടിരിപ്പ്_ലോക്ഡൗൺ) --- Sidheekh Subair
5 comments
Read more

Aiswarya S Dev :: ഞെട്ടലകലാതെ

മർത്യജന്മമൊന്ന് വീക്ഷിച്ചറിയണ- മെന്നാശിച്ചീശൻ ഭൂവിലെത്തി.! കോവിലിൽ ആയിരങ്ങൾ തൻ അനുഗ്രഹത്തിനായി കാത്തിരിപ്പു- ണ്ടെന്നറിഞ്ഞാനന്ദിച്ചു.. തിരിഞ്ഞു നോക്കവേ.. കോവിലിനങ്കണത്തിലിന്നൊന്നു- മറിയാതൊരു പിഞ്ചുബാല്യം കൈകൾ നീട്ടിടുന്നു.. യാചിച്ചുകൊണ്ട്.. നിലത്തുവീഴുന്ന ചില്ലറത്തുട്ടുകളിലൊക്കെയും രണ്ടും, മൂന്നും..! പടികയറിയകത്തുകയറുന്നവ- രൊക്കെയും ശിലയാൽ തീർത്ത- യെൻ മുന്‍പിലർപ്പിക്കുന്നു ആയിരങ്ങൾ..!! ഞെട്ടിത്തിരിഞ്ഞീശൻ നടന്നകലവേ കണ്ടു, പിന്നെയും പിന്നെയും  ഞെട്ടിക്കുന്ന നോവുകൾ..! പെണ്‍കിടാങ്ങള്‍ തൻ കൂരയ്ക്ക- കത്തു നിന്ന്‌ കേൾക്കുന്നു  നിശബ്ദ തേങ്ങലുകൾ.. വാതിലില്ലാതെ ചുമരില്ലാതെ തുണികളാൽ മറയ്ക്കപ്പെട്ട കൂരയ്ക്കുള്ളിൽ നാഴികകൾ ഭയത്തോടെണ്ണുന്ന  അനവധിപേരെ കണ്ടീശൻ കണ്ണടച്ചു... അകലെയുള്ള കോവിലിൽ  നാഴികക്ക് നാൽപ്പതുവട്ടമവർ ഉറപ്പു വരുത്തുന്നു..  'സുരക്ഷിതമല്ലയോന്ന്' ഒരമ്മതൻ പേറ്റുനോവ്  കേട്ടീശൻ അവൾക്കരികിലെത്തി.. ഒരു കുഞ്ഞു പെണ്കിടാവ്  അവൾക്കരികിൽ  മിഴി തുറന്ന് കിടപ്പതുണ്ട്... പുറത്തേക്കെത്തി നോക്കിയപ്പോ- ളതാ പെണ്‍കുഞ്ഞെന്നറിഞ്ഞച്ഛൻ വിലപിച്ചു മൊഴിയുന്നു.. "ഈ സ്വത്തെല്ലാം ...
18 comments
Read more

നെടുവിളിയൻപക്ഷി :: വിനയൻ

അഗസ്ത്യന്റെ മടിത്തട്ടിൽ പകൽപ്പൂരക്കണിപ്പന്തൽ. അലങ്കാരച്ചെരുവിൽ ചെ- മ്പനീർപ്പൂവിൻ ചമത്കാരം. "പുലർകാലേ പുറപ്പെട്ടാൽ മലതാണ്ടിത്തിരിച്ചെത്താം. വരികെന്റെയനുജാ,യീ മലങ്കാടിന്നകം പുക്കാം." മലന്തേനും പനന്നൊങ്കും കഴിയ്ക്കാനാ മലമേട്ടിൽ ഇരുവരും കരംകോർത്തു ചുണയോടെ പുറപ്പെട്ടു. മുളമുള്ളുമെരികല്ലും ചവിട്ടൊപ്പം നടക്കുന്നു. കനൽ കോരിക്കുടിച്ചഗ്നി- പ്പദം ചന്തംവിതയ്ക്കുന്നു. മുകിൽതാഴെ,ക്കുളിർ വാനം മിഴിക്കോണിൽ തുടിക്കുന്നു. ചരൽപ്പൂക്കൾ കടുംവർണ്ണം വിരിച്ചെങ്ങും ചിരിക്കുന്നു. ചിതൽപ്പറ്റം ദ്രുതംകാട്ടി ശവക്കോലം തുരക്കുന്നു. മുടിക്കെട്ടിൽ ജഡച്ചുറ്റിൽ ശിവശൈലം കനക്കുന്നു. ഇരുത്തംവന്നലയ്ക്കുന്ന കൊലച്ചീവീടൊളിക്കുന്നു. കരിക്കാലൻ കൊലകൊമ്പൻ കരിച്ചൂരു ചുരത്തുന്നു. കുളയട്ടനിലം പറ്റി രുചികൊണ്ടു പുളയ്ക്കുന്നു. കൊതിനാവായ് നനവാർന്നു ചുടുചോര കുടിക്കുന്നു. 'ആദിച്ചൻ' മലദൈവം ചോക്കുന്നു, തുടുക്കുന്നു. കാട്ടാറിൻ ചിലമ്പൊച്ച മദം പൊട്ടിപ്പരക്കുന്നു. മലങ്കോഴിപ്പറ്റമെന്തോ തിരക്കിട്ടു തെരയുന്നു. മലയണ്ണാർക്കണ്ണനംബര കനിയായിക്കുലയ്ക്കുന്നു. ചൊക്കനർക്കപ്പഴം തിന്നാൻ മരംച...
Read more