Raji Chandrasekhar :: നിന്നിലിന്നു ഞാൻ...

Views:

 

നിന്നിലിന്നു ഞാൻ...

 

നിന്നിലിന്നു ഞാൻ പൊൻകിനാക്കളായ്

         വന്നണഞ്ഞുവെന്നാൽ,

നിന്നിലിക്കിളിപ്പൂക്കൾ കോർത്തൊരു

          പൊന്നുമാലയിട്ടാൽ...

 

നിന്റെയുള്ളിലീ കൊച്ചുവാക്കുകൾ

          കൂട്ടിവയ്ക്കുമെന്നോ,

ഒട്ടുനേരമെൻ നെഞ്ചിലേക്കു നീ

          ചാഞ്ഞിരിക്കുമെന്നോ,

തൊട്ടറിഞ്ഞു നാമുൾത്തുടിപ്പുപോ-

          ലൊന്നുചേരുമെന്നോ...

 

ചുട്ടുപൊള്ളിടും സൂര്യനായി ഞാൻ

         നിന്നു കത്തിടുമ്പോൾ,

എന്റെയുള്ളിലെ തീ കെടുത്തുവാൻ

          ഓടിയെത്തുമെന്നോ,

ചുണ്ടിലൂറിടും തേൻകണങ്ങളാ-

          ലാകെ മൂടുമെന്നോ.....

Raji Chandrasekhar

https://www.amazon.in/dp/B08L892F68