Raji Chandrasekhar :: ജന്മകവിത

 

ജന്മകവിത

 

ഇഴ തോർന്നു, പേക്കാറു പെയ്തൊഴിഞ്ഞെൻ രാഗ-

"മഴ മേലെ മരം പെയ്യു"മെന്നു തോഴീ..?

കുറവറ്റ കണിയായി നിന്നെയുണർത്തുവാൻ

കുറിമാനമിനി ജന്മകവിത മാത്രം...

 

പിണങ്ങിയോ വീണ്ടും, തിരിഞ്ഞൊന്നു നോക്കാ-

തിണക്കൂട്ടു വെട്ടിക്കടന്നു പോയോ....

അഹങ്കാരമാണു നീയെന്റെ,യെന്നോർത്തു ഞാൻ

രഹസ്യമായ് കവിതയിൽ കോർത്തു വച്ചൂ.

 

അരുതു മറ്റാരുമേ കണ്ടു പഴിക്കാതെ

കരുതി ഞാൻ ശുദ്ധമായ് കാത്തു പോന്നു.

അണയാതെ നോക്കുന്ന നാളമാ,ണെന്നുമെൻ

തുണയാണ്, നീ നിത്യരാഗമാണ്.

Raji Chandrasekhar

https://www.amazon.in/dp/B08L892F68