Malayalamasika SahithyaVlog

  നേരെനിക്കു ജീവവായു         നിർമ്മലം സമുദ്ധിതം നീർമണിപ്പളുങ്കുപോലെ -         യാത്മഹർഷപൂരിതം മാരിവില്ലിനെജ്ജയിക്കു -        മൂഷ്മളം സുശോഭിതം ശാരദേന്ദുവിൻ മനോജ്ഞ-        ഭാവസാന്ദ്രഗീതകം. നേരെനിക്കു ധർമ്മപാത,         നിർഭയത്വവേദിക നീരൊഴുക്കുപോലെ സദ്        രസം തരുന്ന പ്രാണദം നേരെനിക്കു  തേൻകണം         തുളുമ്പിടുന്ന വാടിക നേരെനിക്കു സന്മതം         തെളിച്ച തത്ത്വദീപകം! നേരെനിക്കു പാവനം        ഉദാത്തബോധദർശനം നേരെനിക്കു ശക്തി -        യത്യഗാധമായ നീലിമ നേരെനിക്കു ശാന്തി, നന്മ,         സൌമ്യമാമപാരത നേരെനിക്കു പൈതൃകം         പതിച്ചുതന്ന പട്ടകം!      --- Leelamony V K

 

 / ഒത്തിരി നാളായി ആഗ്രഹിച്ച ഒരു യാത്ര.... നാളെ അതു സഫലമാവുകയാണ്.. ശിവരഞ്ജൻ എന്തെന്നില്ലാത്ത ആഹ്ലാദത്തിമിർപ്പിലാണ്.... എത്ര നാൾ കൂടിയാണ് അച്ഛൻ തന്നെ ഒന്ന് വിളിച്ചത്.... മഹേഷിന്റെ ഫോണിൽക്കൂടി അച്ഛന്റെ പതിഞ്ഞ സംസാരം... "ശിവാ.... മോനെ നീ ഇവിടെ വരെയൊന്നു വരണം.. ഇത്രയും കാലമായി അച്ഛൻ നിന്നോട് ഒന്നും ആവശ്യപ്പെട്ടിട്ടില്ല.. നിന്റെ ജീവിതത്തിലെ സുപ്രധാന നിമിഷങ്ങളിൽ എന്റെ സാന്നിധ്യം ഉണ്ടായിരുന്നില്ല.. പക്ഷേ എന്റെ ജീവിതത്തിന്റെ അവസാനസമയത്ത് എന്റെ ചന്ദ്രിക അടുത്തുണ്ടാവണം... അതെന്റെ ഒരാഗ്രഹമാണ്. നിന്റെ അമ്മയ്ക്കും, ഭാര്യയ്ക്കും സമ്മതമെങ്കിൽ മാത്രം എന്നെ കൂട്ടുക.." എത്രയോ കാലമായി കേൾക്കാൻ കൊതിച്ച കാര്യം.... ഉള്ളിലുണ്ടായിരുന്ന വിഷമമൊക്കെ എത്ര പെട്ടെന്നാണ് അലിഞ്ഞു തീർന്നത്.... എന്തെല്ലാം ആഗ്രഹങ്ങളെയാണ് ഇത്രയും കാലത്തിനിടയ്ക്ക് താൻ മനസ്സിൽ കുഴിച്ചു മൂടിയത്....... വർഷങ്ങൾക്കു മുൻപ് തന്നെയും, അമ്മയെയും ഉപേക്ഷിച്ച് അച്ഛൻ കിഴക്കൻ മല കയറിയപ്പോൾ അമ്മമ്മ ഒരു നെടുംതൂണായി ഒപ്പം തന്നെ നിന്നു.... ചന്ദ്രികമ്മ എന്ന തന്റെ അമ്മയ്ക്ക് അമ്മാവനും, അമ്മയും പറയുന്നതിനപ്പുറം ഒരു വാക്കുണ്ടായിരുന്നില്ല.... അമ്മാവനോട...

  ഓണമിങ്ങോണമിങ്ങോണമെത്തി, ഓണനിലാവും പറന്നിറങ്ങി ഓർമ്മകൾ പേറുമെൻ ഹൃത്തടത്തിൽ ഓർമ്മകൾക്കെന്തു സുഗന്ധമെന്നോ? മാരികൾ മാറുന്ന കാലമല്ലേ ..! മാവേലിമന്നാ നീ കാത്തിടേണേ പുത്തനൊരോണം പിറന്നു വന്നു പുതുമകൾ നിറയുന്നോരോണമായി .. ഉള്ളം തുറന്നു ചിരിച്ചിടാനായ് ഉള്ളിൽ കനിവോടെ വിളങ്ങിടു നീ : തുമ്പികൾ പാറാതെ തുമ്പങ്ങൾ മാറാതെ പുത്തനൊരോണം പിറന്നു വന്നു. ഓർത്തുവയ്ക്കാനൊരു ഓണമെത്തി. ഒന്നിച്ചുറങ്ങിയോർ നമ്മളല്ലോ? ഒന്നായി നിന്നവർ നമ്മളല്ലോ! ഒരുമയും പെരുമയും നൽകി നമ്മൾ ഒരുമതൻ സ്നേഹം വിളമ്പി നമ്മൾ . ചത്തവരെല്ലാം ചമഞ്ഞിടുന്നു. ചന്തത്തിൽ കാര്യങ്ങൾ ചെയ്തിടുന്നു. പുത്തനാം മോടികൾ കാട്ടിടുന്നു പുതുമതൻ ഗന്ധം നുകർന്നിടുന്നു. ഒന്നിച്ചുകൂടുന്നൊരോണങ്ങളില്ലാതെ ഒപ്പിച്ചുകൂടുന്നൊരോണമായി. പുത്തനൊരോണം പിറന്നു വന്നു പുതുമകൾ നിറയുന്നൊ രോണമായി. പൊള്ളത്തരം കാട്ടിയാടുന്നു മേനികൾ തമ്മിലൊളിക്കുന്നു നന്മ ഭാവിക്കുന്നു. പൊയ്മുഖ മണിയുന്നൊരായി നമ്മൾ പാഴ്വാക്കിനുടമകളായി നമ്മൾ . ഒരുമതൻ സ്വാദ് നുകർന്നിടാനായ്  ഒരുമതൻ ഗാഥ നിറച്ചിടേണം. ഉള്ളം തുറന്നു ചിരിച്ചിടാനായ് ഉള്ളിൽ കനിവു നിറഞ്ഞിടേണം' ഞങ്ങടെ ഓണമെന്നാരും പറയാതെ നമ്മടെ ഓണമായ് കണ്ടിടേണം ...

ഇതു നമ്മുടെ നാടാണാര്‍ഷ പരമ്പര-     പുലരും പുണ്യതപസ്ഥാനം ഇവിടം പാവനമമരം കാക്കുക     നമ്മുടെ ധര്‍മ്മം, കര്‍ത്തവ്യം. ഹരനുടെ ഹിമവല്‍ഗിരിനിര മുതലി-     ക്കന്യാദേവിക്കടലോളം ഹരിതം വനവും വയലും പുഴയും     തുയിലുണരുന്നൊരു സുരനാട്. ശരണം തേടിയലഞ്ഞുവലഞ്ഞവ-     രഭയം നേടിയതീ നാട്ടില്‍. അവരേയൂട്ടി വളര്‍ത്തുവതിന്നും     സ്‌നേഹനിലാവാം നിന്മക്കള്‍. കപടം ചതിയുമണിഞ്ഞെത്തീ ചില     ശത്രുമനസ്സുകളീ നാട്ടില്‍ അവരെയനശ്വര മന്ത്രജപത്താ-     ലാദരവോടെതിരേറ്റെന്നാല്‍ ഉള്‍വളവേറും കുതികാല്‍ വെട്ടുക-     ളേറെ സഹിച്ചു മടുത്തൂ നാം, മുള്‍മുനദുര്‍മ്മദമേറുന്നേര-     ത്തവതാരങ്ങള്‍ പിറന്നീടും. കേശവശംഖൊലി കര്‍മ്മോന്മുഖനവ-     യുഗചൈതന്യമുണര്‍ത്തുന്നൂ മാധവനരുളും ഗീതയിലര്‍ജ്ജുന-     ശങ്കകളഖിലം തീരുന്നൂ. വീണ്ടും ഭാരതമാതാവിന്‍ തിരു-     നടയില്‍ പ്രാണനുമേകീടാന്‍ തരുണമനസ്സുകളനവധി വിരിയു-     ന്നമ്മേ നിന്നുടെ നാമത്തില്‍. -...

വാനിലുയര്‍ന്നു പറക്കട്ടെ, ഈ മൂവര്‍ണ്ണക്കൊടി,യഭിമാനക്കൊടി വീണ്ടുമുയര്‍ന്നു പറക്കട്ടെ.. വാനിലുയര്‍ന്നു പറക്കട്ടെ. (വാനിലുയര്‍ന്നു പറക്കട്ടെ...) ഭാരതമണ്ണിന്‍ വയല്‍നിര, തരുനിര- ധവള ഹിമാലയ ഗിരിനിര മേലെ വാനിലുയര്‍ന്നു പറക്കട്ടെ. (വാനിലുയര്‍ന്നു പറക്കട്ടെ...) വിശ്വനഭസ്സില്‍ ജ്ഞാന,ശാന്തി- യഹിംസാ ധര്‍മ്മപ്പൊരുളിന്‍ കതിരായ് വാനിലുയര്‍ന്നു പറക്കട്ടെ. (വാനിലുയര്‍ന്നു പറക്കട്ടെ...) സ്രഷ്ടാവിന്‍ തിരുവരമായുലകിനു- നേരിന്‍ നേര്‍വഴിയരുളാനിനിയും വാനിലുയര്‍ന്നു പറക്കട്ടെ. (വാനിലുയര്‍ന്നു പറക്കട്ടെ...) ---  ദേശഭക്തിഗീതങ്ങള്‍ ---  രജി ചന്ദ്രശേഖർ Music By :: Deepu M  Download The Audio