ബിസ്മില്ലാഹി റഹുമാനി റഹീം. ഇസ്ലാം മതം സത്യ സന്ധതയ്ക്ക് വളരെയധികം പ്രാധാന്യം നല്കുന്നു. "അല്ലയോ സത്യ വിശ്വാസികളെ" എന്നാണു ഖുർആൻ അനുയായികളെ സംബോധന ചെയ്യുന്നത്, അല്ലാത്തവരെ സത്യനിഷേധികൾ എന്നും. കപടമായ ഭക്തി പ്രകടനങ്ങൾ അല്ലഹുവിനാവശ്യമില്ല എന്നാണു നബി തിരുമേനി അരുളി ചെയ്തിരിക്കുന്നത്. ഖുർആൻ സത്യസന്ധതയും നീതിയും പാലിക്കാൻ ആഹ്വാനം ചെയ്യുന്നു. ആവശ്യക്കാരന് കടം കൊടുക്കണമെന്ന് പറയുമ്പോൾ പലിശ വാങ്ങരുതെന്ന് കർശനമായി നിർദ്ദേശിച്ചിട്ടുണ്ട്. അന്യന്റെ മുതൽ അപഹരിക്കുക എന്നത് ഏറ്റവും ഹീനമായ പ്രവൃത്തിയാണ്‌. മറ്റൊരാളുടേതായി എന്തെങ്കിലും നമ്മുടെ കൈവശം ഉണ്ടെങ്കിൽ അത് തിരിച്ചേല്പിക്കുകയോ അയാളുടെ അനുവാദത്തോടെ സൂക്ഷിക്കുകയോ വേണം. ആരുടെതെന്നറിയാത്ത എന്തെകിലും ധനം കൈ വശം വന്നു ചേർന്നാൽ ഉടമസ്ഥനെത്താത്ത പക്ഷം അത് ദാനം ചെയ്യണം. സ്വന്തമാക്കരുതെന്നർത്ഥം. അറിയാതെ സംഭവിക്കുന്ന തെറ്...