Jagan :: പ്രതിദിനചിന്തകളില്‍

Views:

Raji Chandrasekhar

മലയാള മാസിക ഓൺലൈനിൽ  പ്രതിദിനചിന്തകൾ എന്നൊരു പംക്തി കൈകാര്യം ചെയ്യുന്നതൊഴിച്ചാൽ അക്ഷരലോകത്ത് അതിസാഹസമൊന്നും ഞാൻ ചെയ്യാറില്ല.   പ്രതിദിനചിന്തകൾ പേരുകൊണ്ടുതന്നെ പ്രതിദിനം എഴുതേണ്ടത് ആണെങ്കിലും കൃത്യാന്തരബാഹുല്യമില്ലാതിരുന്നിട്ടും ചില ചില്ലറത്തിരക്കുകൾ കാരണം ഈയിടെയായി എല്ലാദിവസവും എഴുതാറില്ല. എന്തായാലും ഇന്നത്തെ പ്രതിദിനചിന്തകൾ, വയൽക്കാറ്റു കൊള്ളാം എന്ന കവിതയെക്കുറിച്ചാകട്ടെ..

രജി ചന്ദ്രശേഖറിന്‍റെ (രജി മാഷിന്‍റെ) "വയൽക്കാറ്റു കൊള്ളാം" എന്ന കവിത ഗൃഹാതുരത്വം തുളുമ്പുന്ന, വ്യത്യസ്തമായ സൃഷ്ടിയാണ്. ചരസ്സിന്‍റെയും, ഭാംഗിന്‍റെയും, കാമത്തിന്‍റെയും മേമ്പൊടിയോടെ, പ്രത്യേകിച്ച് അർത്ഥമൊന്നുംതന്നെ ഇല്ലാത്ത വാക്കുകൾ എടുത്ത് തലങ്ങും വിലങ്ങും  പ്രയോഗിച്ച്,  "അത്യന്താധുനിക കവിത" എന്ന ലേബലിൽ പടച്ചുവിടുകയും  പ്രസിദ്ധീകരിക്കുകയും കൊണ്ടാടുകയും ചെയ്യുന്ന ഇന്നത്തെ കാലത്ത്, ഈ കവിത "ഭ്രാന്തൻ പുലമ്പുന്ന കലിപ്പേച്ചല്ല" എന്ന് അനുവാചകന് നെഞ്ചുറപ്പോടെ പറയാം.

സ്വാർത്ഥമോഹിയായ മനുഷ്യൻ പ്രകൃതിയെ കഴിയുന്നത്ര ചൂഷണം ചെയ്ത്, നശിപ്പിച്ച്, കോൺക്രീറ്റ് കാടുകൾ പണിയുന്ന വർത്തമാനകാലത്തെ, ഗൂഢമായ പുച്ഛത്തോടെയും, അതിലുപരി, പ്രകടമായ നിരാശയിൽ പൊതിഞ്ഞ നീരസം മറച്ചുവയ്ക്കാതെയും വീക്ഷിക്കുന്ന കവി, പണ്ടെങ്ങോ അന്യമായിപ്പോയ ഗ്രാമീണതയുടെ തന്മയീഭാവത്തിലേക്ക്, വിതപ്പാട്ടിലേക്ക്, പാടവരമ്പത്തെ കൊതിപ്പിക്കുന്ന കരക്കാറ്റിലേക്ക് ഒക്കെ വായനക്കാരെ കൂട്ടിക്കൊണ്ടു പോകുന്നു.

വർത്തമാനകാലത്തെ അരക്ഷിതമായ ജീവിതം എന്ന നിലയില്ലാക്കയത്തിൽ നിന്ന് കരകയറാൻ കഴിയുമോ എന്ന് ആശങ്കപ്പെടുന്ന മനുഷ്യന്, പ്രത്യാശയാകുന്ന "കിനാവിന്‍റെ നാളവും" കവിയേകുന്നു.

കാവ്യദേവതയുടെ "മാണിക്യവീണയിൽ സാന്ദ്രഭാവം പകർന്ന് "
"കരിമ്പിന്‍റെ മാധുര്യമോലുന്ന" വാക്കുകളിലൂടെ കവി, ഗ്രാമീണതയുടെ പച്ചപ്പിലേക്ക്, കേരളത്തനിമയാർന്ന കാർഷിക സംസ്കൃതിയിലേക്ക്, ലാളിത്യത്തിലേക്ക്, നിഷ്ക്കളങ്കതയിലേക്ക്, പരിശുദ്ധിയിലേക്ക്, ഐശ്വര്യത്തിലേക്ക് നമ്മെ കൂട്ടിക്കൊണ്ടു പോകുന്നു.

മലരണിക്കാടുകളുടെ മരതകക്കാന്തിയോടും, മലരിനോടും, കിളികളോടും  ഒക്കെ സംവദിച്ച ചങ്ങമ്പുഴയുടേയും, മണ്ണിൽ വീണു കിടക്കുന്ന പൂവിനോടു പോലും തന്‍റെ ഹൃദയവേദന പങ്കുവച്ച കുമാരനാശാന്‍റെയും ഭാവുകത്വത്തെ ഓർമ്മിപ്പിക്കുന്നതായി പ്രകൃതിയെ തഴുകി താലോലിക്കുന്ന
"വയൽക്കാറ്റു കൊള്ളാം" എന്ന കവിതയിലെ ഓരോ വരികളും.

അങ്ങനെ അറിയാത്ത മേഖലയിൽ ഒരു അരങ്ങേറ്റം.
പറ്റിപ്പോയതാണ്.
അപാകതകൾ കാണും.
അസഹ്യമായത് ധൈര്യമായി ചൂണ്ടിക്കാണിക്കുക.  തിരുത്താം.....

കവി രജി ചന്ദ്രശേഖറിന് ആശംസകൾ.

---Jagan, പ്രതിദിനചിന്തകൾ
   30- 09 - 2019

--- Ruksana Kakkodi

വായന

• Bindu Narayanamangalam ::കാമിനിയുടെ മഴമണം മന്ദ്രമധുരം മീട്ടുന്ന വിതപ്പാട്ട്.
  ആധുനികതയുടെ പൊടിപടലങ്ങൾ പൊതിയുന്ന നഗര - നശ്വരമേളങ്ങളിൽ നിന്നൊഴിഞ്ഞ്, ഒരു കവി. സ്വച്ഛസുന്ദരമായ ഗ്രാമബോധത്തിലേക്കാഴ്ന്നിറങ്ങി, ഹൃദയരാഗം തുളുമ്പുന്ന സംഗീതത്തിന്‍റെ കാണാപ്പുറങ്ങൾ തേടുന്ന നിഷ്ക്കളങ്ക...
  
• Anu P Nair :: ഓർമ്മപ്പെടുത്തല്‍
            കവിത, ഗദ്യത്തിലും പദ്യത്തിലുമാകാം. അതിനൊരു താളവുമുണ്ടാകും. മാനുഷിക വികാരങ്ങളുടെ Spontaneous overflow ആണ് കവിതയെന്നും നിര്‍വചിക്കപ്പെട്ടിട്ടുണ്ട്. ആ...
  
• Ameer Kandal :: വാക്കിന്‍റെ കല
  Ameer Kandal, Raji Chandrasekhar           വാക്കിന്‍റെ പൊരുളാണ് കവിത. കവിത ആസ്വാദ്യതക്കപ്പുറം ചില ഉണർത്തലുകളോ ചൂണ്ടുപലകകളോ ആവുക സാധ്യമാണ് എന്നതിന്‍റെ ഉത്തമ...
  
• Kaniyapuram Nasirudeen :: തുരുമ്പിക്കാത്ത വാക്കുകള്‍
  Nasarudeen, Ameer Kandal Raji Chandrasekhar ഏതൊരു കവിയുടെയും ഉള്ളിന്‍റെയുള്ളിൽ പ്രതീക്ഷയുടെ നാമ്പ് ഉണ്ടാകും. നമ്മുടെ നാട് നാശത്തിന്‍റെ വക്കിലേക്ക് എടുത്തെറിയപ്പെടാനൊരുങ്ങുമ്പോഴും വലിയ...
  
• Aswathy P S :: ഒരു ക്ഷണം
  Image Credit...
  
• Anil R Madhu :: മൂന്നു ഭാവങ്ങൾ - മൂന്നു കാലങ്ങൾ
  കവിയും ലേഖകനും രജി ചന്ദ്രശേഖറിന്‍റെ കവിത വയൽക്കാറ്റ് കൊള്ളാം,  മൂന്നു ഭാവങ്ങൾ - മൂന്നു കാലങ്ങൾ കവിത അറിയുന്നത് അതിന്‍റെ ആസ്വാദനത്തിലൂടെയാണ്, ആസ്വാദനമാണ് ഒരു സൃഷ്ടിയെ...
  
• Ruksana Kakkodi :: മാണിക്യവീണാവരങ്ങൾ
  പ്രശസ്ത കവിയും പത്രപ്രവർത്തകനുമായ രജി ചന്ദ്രശേഖർ എന്ന ഞങ്ങളുടെ രജിമാഷ് കവിതാ രചനയിൽ വളരെ മുൻപന്തിയിൽ തന്നെയാണ്. താളബോധത്തോടെ എഴുതുന്നതൊക്കെയും സാധാരണക്കാരനു പോലും കവിത ഇഷ്ടപെടാൻ പാകത്തിലുള്ളതാണ്....
  
• Amithrajith :: ഓര്‍മയുടെ നിറം
  ഓര്‍മയുടെ നിറം എന്താണെന്ന് ചോദിച്ചു കൊണ്ട് തന്നെ നമുക്ക് ആസ്വാദനത്തിലേക്ക് കടക്കാം. ചുവപ്പ്, നീല, കറുപ്പ് അങ്ങിനെ പലതുമാകാം. പക്ഷേ, മലയാളിക്കോ  പച്ചയാവാനെ തരമുള്ളൂ. നാട്ടുവഴികളും,...
  
• Mehboob Khan (Mehfil) :: ഒരു തല തിരിഞ്ഞ വായന
  ഏറെ നാളുകള്‍ക്ക് ശേഷം വളരെ കുറഞ്ഞ വരികളില്‍ ഞാന്‍ വായിക്കുന്ന ഒരു നല്ല കവിതയാണ്  ശ്രീ രജി ചന്ദ്രശേഖര്‍ എഴുതിയ പന്ത്രണ്ട് വരി കവിതയായ വയല്‍കാറ്റ് കൊള്ളാം. കവിതകള്‍ക്ക് ആസ്വാദനമെഴുതി...
  
• Raju.Kanhirangad :: ആസ്വാദനം :: വാക്കുകളുടെ വരമ്പിലൂടെ
  രജി മാഷ്, മലയാളമാസികയുടെ പത്രാധിപര്‍ മാത്രമല്ല, കവിത്വ സിദ്ധിയുള്ള കവി കൂടിയാണ്. അദ്ദേഹത്തിന്‍റെ വയൽക്കാറ്റു കൊള്ളാം എന്ന കവിതയില്‍ കൊണ്ടറിഞ്ഞ ചില കാര്യങ്ങള്‍ കുറിച്ചു വയ്ക്കട്ടെ. മാനുഷിക...
  
• Jagan :: പ്രതിദിനചിന്തകളില്‍
  Raji Chandrasekhar മലയാള മാസിക ഓൺലൈനിൽ  പ്രതിദിനചിന്തകൾ എന്നൊരു പംക്തി കൈകാര്യം ചെയ്യുന്നതൊഴിച്ചാൽ അക്ഷരലോകത്ത് അതിസാഹസമൊന്നും ഞാൻ...
  
• Sidheek Subair :: വയല്‍ പച്ചപ്പിന്‍റെ ഗ്രാമമുഖം
  രജി ചന്ദ്രശേഖർ ശ്രീ രജി ചന്ദ്രശേഖർ മാഷിന്‍റെ വയൽക്കാറ്റ് കൊള്ളാം എന്ന കവിത, അദ്ദേഹത്തിന്‍റെ കാവ്യജീവിതത്തിന്‍റെ അടയാളപ്പെടുത്തലാണ് എന്നു കരുതുന്നതിൽ തെറ്റില്ല....